یہ کہنا ناکافی ہوگا کہ پیرا سائٹ نے مجھے شروع سے آخر تک اپنی گرفت میں لیے رکھا تھا ۔ٹریننگ شاٹس کے ساتھ اس کی عکس بندی کا انداز دلکش ہے۔لندن کورین فلم فیسٹول کے دوران متعدد کورین فلموں کو دیکھ چکنے کے بعدان فلموں میں استعمال کیے جانے والے معمول کے طور طریقوں سے میں واقف ہوچکا تھا۔لیکن پیرا سائٹ ان سب سے الگ تھی۔پیراسائٹ انوکھے اندازمیں مزاح کو ساتھ لے کر چلتی ہے، اس میں سنسنی خیزی بھی ہے ، یہ طبقاتی تقسیم کو بھی نمایاں کرتی ہے اور دیگر باتوں کے علاوہ ایک خاندان کی کہانی کو بھی ساتھ لے کر چلتی ہے۔یوں یہ فلم ہر عمر کے افراد کے لیے دلچسپی کی حامل ہوسکتی ہے۔
پیرا سائٹ واقعی کسی سینما گھر میں جاکر دیکھنے سے تعلق رکھتی ہے تاکہ صحیح معنوں میں اس کی باریکیوں اور سینماٹوگرافی کے انداز سے لطف اندوز ہوا جاسکے۔اگر طوالت سے گریز کرتے ہوئے مختصر طور پر بیان کیاجائے تو پیرا سائٹ پارک اور کم خاندانوں کے درمیان باہمی تعلق کا احوال پیش کرتی ہے جن کی متضاد دنیائیں گہرے نتائج مرتب کرتے ہوئے ایک دوسرے کے ساتھ ٹکراتی ہیں۔

بونگ جون ہو خوب چمکیلے شاٹس کے ساتھ ساتھ ان ڈور کی جگہ کو موثر انداز میں استعمال کرتے ہوئے فلم بینوں کی دلچسپی کو بڑھانے کا اہتمام کرتا ہے۔ فلم کے دو گھنٹے 12 منٹ کے دورانیے کے اختتام پر یہ جان کر حیرت ہوتی ہے کہ زیادہ تر مناظر پارک خاندان کے گھر میں فلمائے گئے ہیں۔گھریلو زندگی کے روزمرہ معاملات کو جس طرح ایک دلچسپ تناظر کے ساتھ دکھایا گیا ہے وہ بونگ جون ہو کے مخصوص مزاج کو ظاہر کرتا ہے۔یہ ایک دھیمے انداز میں سلگتی ہوئی آنچ جیسا ہے لیکن آپ اس کی خوبصورتی اورتخلیقی انداز میں کھو جائیں گے کیونکہ پیرا سائٹ ظاہری طور پر تو اکہرے انداز میں چلتی ہے لیکن درحقیقت یہ تہہ در تہہ ہے اور سماجی حقیقت نگاری کو احساس ہمدردی اور دردمندی کے ساتھ پیش کرتی ہے۔
فلم کی کاسٹ دیکھنے میں متاثر کن ہے۔ چہرے کے تاثرات اور ایکشن کو بہت اہمیت دی گئی ہے ۔یہاں تک کہ سیڑھیاں چڑھنے اور اترنے کے عام سے عمل میں بھی پوشیدہ معنی کو ابھارا گیا ہے کچھ اس طرح جیسے کیمرے کو ٹکڑوں میں بانٹ دیا جائے۔دل کو دھڑکانے والے مراحل بھی سپیس اور کیمروں کے مشکل زاویوں اور موسم کی ڈرامائی کیفیت کو استعمال کرتے ہوئے نہایت موثر اندز میں تخلیق کیے گئے ہیں جو منظر کی سنسنی میں اضافے کا باعث بنتے ہیں۔پیراسائٹ سرئیلسٹ نوعیت کی بھی ہے جس پر اس کا سکور زور دیتا ہے اور مزید یہ کہ فلم ابسرڈ کے عناصر بھی اپنے جلو میں شامل کرلیتی ہے جو اس قدر ہوشیاری سے تخلیق کیے گئے ہیں کہ وہ حقیقی معنوں میں فلم کے جادو کو ابھارتے ہیں۔ پیرا سائٹ کی ظاہری انتشاری کیفیت یقینی طور پر آپ کو الجھائے گی اور یہ ٹوائلائٹ زون مکتبہ فکر کی فلم کاری سے مختلف محسوس نہیں ہوگی۔


فلم کے اداکار بہت متاثرکن ہیں اورفطری انداز میں ایک دوسرے کے ساتھ ہم آہنگی پیدا کرتے ہوئے اپنی کرداروں میں گہرائی پیدا کرتے ہیں ۔جب کی وو اور کی جونگ کم پارک خاندان کے گھر میں نجی ٹیوٹر کے طور پرکام کرتے ہیں تو یقینی طور پر وہ اس سطح کی بے حسی اور کم تر اتھارٹی کے حوالے سے ٹیوشن کی تیکنیکوں کو استعمال کرتے ہوئے تصوف کے ساتھ ایک خاموش، تقریباً اساطیری ہالہ تخلیق کرتے دکھائی دیتے ہیں۔سادہ طور پر کہا جاسکتا ہے کہ کی وو اور کی جونگ کا کردار ادا کرنے والے اداکار پارک سو ڈیم اور چوئی وو سک ہمیں ان مختلف جہتوں کی جانب نگاہ کرنے پر مجبور کرتے ہیں جنہیں پیرا سائٹ اپنے جلو میں لے کر چلتی ہے۔وہ اپنے کرداروں کو اس خوبی کے ساتھ نبھاتے ہیں کہ ناظرین کے جذبات ان کے ساتھ ہوجاتے ہیں۔
پیرا سائٹ فلم سازی کے فن کا ایک شاندار نمونہ ہے۔ اس فلم کو نظر انداز نہیں کیا جاسکتا ہے لہٰذا میں فلم کی برطانیہ میں نمائش کی تاریخ کا منتظر ہوں تاکہ اسے ایک بار پھر دیکھ سکوں۔